चरखा रो भेद बता दे , कातण वाली नार भक्ति भजन हिंदी लिरिक्स

हंसला चेतावनी वाणी भजन | लिखित लिरिक्स हिंदी में

WhatsApp Group Join Now

चरखा रो भेद बता दे ,
कातण वाली नार।
कातण वाली नार सुन्दरी ,
कातण वाली नार।

वन जायो वन ऊपन्यो रे ,
वन में कीनो वास।
एक अचम्भो ऐड़ो देख्यो ,
बेटी जायो बाप।
चरखा रो भेद बता दे ,
कातण वाली नार।

बेटी केवे बाप ने रे ,
अणजायो वर लाव।
अणजायो वर ना मिले तो ,
थारो मारो ब्याव।
चरखा रो भेद बता दे ,
कातण वाली नार। टेर। …

देराणी घर मांडो रचियो ,
जेठाणी घर ब्याव।
देवरिया रे ब्याव में रे ,
नणदल फेरा खाय।
चरखा रो भेद बता दे ,
कातण वाली नार। टेर। …

सासु मरजो सुसरो मरजो ,
परन्योडो मर जाय।
मत मरजो खाती रो बेटो ,
ओ चरखो दियो बनाय।
चरखा रो भेद बता दे ,
कातण वाली नार। टेर। …

चरखो म्हारो राय रंगीलो ,
पुणी लाल गुलाल।
कातण वाली नार सुंदरी ,
लुळ लुळ काते तार।
चरखा रो भेद बता दे ,
कातण वाली नार। टेर। …

चरखो चरखो सब करे ,
चरखो लखियो न जाय।
चरखो लिखियो दास कबीरे ,
आवागमन मिट जाय।
चरखा रो भेद बता दे ,
कातण वाली नार। टेर। …

Telegram Group Join Now