बंदा आखिर में पछतासी रे, दो दिन की जिन्दगानी सागे क्ये ले ज्यासी रे लिरिक्स

बंदा आखिर में पछतासी रे,

दो दिन की जिन्दगानी सागे क्ये ले ज्यासी रे । टेर।।

धन माया की भरी तिजोरी संग चले ना धेलो,

रूक ज्याय कंठ दसो दरवाजा जाणु पड़े अकेलो ।।

दो दिन की जिन्दगानी सागे क्ये ले ज्यासी रे । टेर।।

जमका आकर घेटी पकड़, घाल गला में फांसी,

मार मार कर खाब उघाड़ दे, लोथ गंडकड़ा खासी ।।

दो दिन की जिन्दगानी सागे क्ये ले ज्यासी रे । टेर।।

बड़ा बड़ा बलवान हो गया के लेगा वह सागे,

मूर्ख के जब होय चान्दणु, जूता सिर में लागे ।।

दो दिन की जिन्दगानी सागे क्ये ले ज्यासी रे । टेर।।

पापी बेईमान जगत में, बदनामी सिर धरग्या,

हरिनारायण शर्मा कहता भजने कर्खा सो तिरगा ।।

दो दिन की जिन्दगानी सागे क्ये ले ज्यासी रे । टेर।।