उमरावजी थारी बोली प्यारी लाग जी म्हारा राज होली धमाल हिंदी लिरिक्स
होली धमाल
उमरावजी थारी बोली प्यारी लाग जी म्हारा राज हिंदी लिरिक्स
उमरावजी थारी बोली प्यारी लाग जी म्हारा राज
आभा चमक बिजळी जी कोई शीतळ बरसे मेह
छांटा लाग्या प्रेम का जी कोई भीज सारी देह
उमराव थारो पचरंग पेचो भीज म्हारा राज उमरावजी...
साजन चाल्या चाकरी जी कोई कान्ध धरी बंदूक
क तो म्हाने ले चलो जी नहीं हो जावली चूक
उमराव म्हान साग तो ले चालो म्हारा राज उमरावजी...
डूंगर उपर डूंगरी जी कोई सोनो घड़ सुनार
पायलियां तो बाजणी जी कोई बिछिया री झणकार
उमराव म्हान गळपटियो घड़वाद्यो म्हारा राज उमरावजी...
चाँदी को एक बाटको जी कोई जीम भूरा भात
रोज जिमाऊं साहिबो पर जिमां दोन्यू साथ
उमराव थान चोकी ढाळ जिमाऊं म्हारा राज उमरावजी..
फूल गुलाबी पोमचो कोई पड्यो बिरंगो होय
म म्हारी मां क लाडली जी कोई कद मुकलावो होय
उमराव थे तो लेवण बेगा आवो म्हारा राज उमरावजी......
WhatsApp Group
Join Now
Telegram Group
Join Now
