डागलीये चढुं तो म्हाने सामां जेठ मिलया सा होली धमाल हिंदी लिरिक्स
होली धमाल
डागलीयो
डागलीये चढुं तो म्हाने सामां जेठ मिलया सा
मेले में जाऊँ तो म्हाने मिले पूराना रसिया सा
मिले पुराना रसिया, म्हारे सामे देखकर हंसिया सा
डागलीये.....
देराणी री भूल सुं म्हें पहर लीनी साड़ी सा
देवरीयो नादान म्हारे नेडो-नेडो आवे सा
डागलीये.....
नणदल बाई रे जाऊं तो म्हाने नणदोई जी मिलया सा
देवे मूछंया ताव म्हारो जीवड़लो घबरावे सा
डागलीये.....
फलीयां तोडने जाऊं तो म्हारे पगा में कांटा लागे सा
कांटा निकालू म्हारे पायल रुणझुण रुणझुण बाजे सा
डागलीये.....
जापे सूं उठोडी म्हारे साहेब नेड़ा आवे सा
गोपालो न्हानो म्हारो आड़ो मचावे सा
डागलीये....
WhatsApp Group
Join Now
Telegram Group
Join Now
