श्यामा श्यामा बोलो रे, जीवांला तो फेर मिलालां नीका रिज्यो रे भजन लिरिक्स

श्यामा श्यामा बोलो रे, जीवांला तो फेर मिलालां नीका रिज्यो रे भजन लिरिक्स

(तर्ज - मारवाडी)

दोहा- श्याम नाम एक धाम है, जो कोई गोता खाय ।

बैतरणी की धार से, आर पार हो जाय ।

भाया श्यामा श्यामा बोलो रे ।

जीवांला तो फेर मिलालां नीका रिज्यो रे ।। टेर ।।

श्याम धणीं के द्वार पर यो अमृत बहतो जावे ।

मूरख राखे ईर्षा रै चात्रग चट पी जावे ।।

भाया राजी राजी बोलो रे । १ । जीवालां ……….

श्यामा श्यामा सब करे रे श्यामा घट के मांहीं ।

आडी टाटी लगी कपट की जीं से सुझे नाहीं ।।

भाया मन की घुण्डी खोलो रे । २। जीवालां...

चांद सूरज के बीच में रे लटकै सुखमण डोर ।

जगर मगर सी हो रही रे चढज्यो चोकस होर ।।

बात हृदय में धर लिज्यो रे । ३ । जीवालां....

काया माया बादली रे, जाता न लागे बार ।

"सोहनलाल" श्री श्याम भजे तो हो जाय बेड़ा पार ।।

भाया रामा श्यामा म्हारी रे ।४। जीवालां ………

शीश के दानी की जय