ओ दे गयो कागद पोस्टमैन, म्हारा पीव घर आसी जी होली धमाल हिंदी लिरिक्स

ओ दे गयो कागद पोस्टमैन, म्हारा पीव घर आसी जी

आ शरद पूनम की रात चांदनी रंग बरसा सी जी,

पलंग म्हारो हरो हो ज्यासी जी

ओ दे गयो कागद पोस्टमैन

पतला पतला फलका पोस्यूँ, उजळी रान्धू खीर - २

आँगन बैठ जिमास्यूं म्हारी नणदल बाई रा बीर

म्हारे मन री बात सुणास्यूं जद म्हाने गले लगासी

आ शरद पूनम की रात चांदनी रंग बरसा सी जी

ओ दे गयो कागद...

काजल टीकी लगाके करस्यूँ, मैं सोळा सिणगार - २

बाट जोवते आंख्या थकगी कद आसी भरतार

म्हारा मेहँदी राच्या हाथ बलम ने घणा सुहासी जी

आ शरद पूनम की रात चांदनी रंग बरसा सी जी

ओ दे गयो कागद...

सावण बीत्यो फागण जावे, बीत्या तीज त्यौहार - २

घणी अडीकी जद यो आयो मिलबा को त्यौहार

ओ रंगां को त्यौहार बलम म्हारे रंग रंग ज्यासी जी

आ शरद पूनम की रात चांदनी रंग बरसा सी जी

ओ दे गयो कागद...