म्हाने दो दर्शण डाढाऴी, करणी मां काबा वाऴी चिराजा लिरिक्स
श्री करणी माता चिरजाये
म्हाने दो दर्शण डाढाऴी, करणी मां काबा वाऴी चिराजा लिरिक्स |
Mhaane Do Darshan Daadhaalee, Karanee Maan Kaaba Vaalee Chiraja Lyrics
- Bhakti Bhajan Diary
~ 2 - 4 Mintues
तर्ज =-चलो चलो सखी अब जाणा
म्हाने दो दर्शण डाढाऴी
करणी मां काबा वाऴी
करणी मां काबा वाऴी
म्हारी मां देशाणा वाऴी
म्हाने राख शरण डाढाऴी
करणी मां काबा वाऴी
1 - मां मैं मानुष तन जो पाऊं
कुऴ चारण ही सदा चाऊं
अपरा जन्म-जन्म गुण गांऊ
थे हो चारण वंश रूखाऴी
म्हाने राख शरण डाढाऴी
करणी मां काबा वाऴी
2 - मां मैं काबो जो बण जाऊं
निज मंढ में ही रहणो चाऊं
आपरा धीरे-धीरे चरण दबाऊं
राखो चरण शरण प्रतिपाऴी
म्हाने दो दर्शन डाढाऴी
करणी मां काबा वाऴी
3 - मां मैं पंछी जो बण जाऊं
ओरण में ही रहणो चाऊं
नित उड-उड , मंढ में आऊं
दर्शण हित , बीस भुजाऴी
म्हाने राख शरण डाढाऴी
करणी मां काबा वाऴी
4 - अर्जी पर अर्जी लगाऊं
में तो नित उठ दर्शण चाऊं
आपने चिरजा गाय रिझाऊं
पारस के रहो मां रूखाऴी
म्हाने दो दर्शण डाढाऴी
करणी मां काबा वाऴी
