डेडरिया छोड़ छिलरिये री आसा भक्ति भजन लिरिक्स

डेडरिया छोड़ छिलरिये री आसा भक्ति भजन लिरिक्स |

Dedariya Chhod Chhilariye Ri Aasha Bhakti Bhajan Lyrics

डेडरिया छोड़ छिलरिये री आसा,
डेडरिया रे वीरा,
तजदे छिलरिये री आसा,
यो तो छिलरियो घड़ी पलक रो,
कर ले समंद में वासा,
डेडरिया रे वीरा,
छोड़ छिलरिये री आसा।।

कागा बगुला, सरप बिलावा,
गिने रे तुम्हारी साँसा,
यो तो छिलरियो घड़ी पलक रो,
कर ले समंद में वासा,
डेडरिया रे वीरा,
छोड़ छिलरिये री आसा।।

तू तो दौड़े दौड़े मछरा रे लारे,
थारा करे है बिनाश,
यो तो छिलरियो घड़ी पलक रो,
कर ले समंद में वासा,
डेडरिया रे वीरा,
छोड़ छिलरिये री आसा।।

आ थो काया थारी काम नहीं आवे,
ऊपर उगसी घासा,
यो तो छिलरियो घड़ी पलक रो,
कर ले समंद में वासा,
डेडरिया रे वीरा,
छोड़ छिलरिये री आसा।।

इँण छिलरिये में दुखड़ो घणेरो,
बण जागा दासा का दासा,
यो तो छिलरियो घड़ी पलक रो,
कर ले समंद में वासा,
डेडरिया रे वीरा,
छोड़ छिलरिये री आसा।।

हंस संग रेहनो बुगे संग तजणू,
रेवो गुरां रे पासा,
यो तो छिलरियो घड़ी पलक रो,
कर ले समंद में वासा,
डेडरिया रे वीरा,
छोड़ छिलरिये री आसा।।