बालम छोटो सो होली धमाल हिंदी लिरिक्स
होली धमाल
पांच बरस को मेघुड़ो, पच्चीसा ढळ गई नार बालम छोटो सो
छोटो क मोटो गौरी मतना कहो, कोई राख मर्द की लाज मोटो होय ज्यासी
बाजारां म जाता ढ़ोलो हठ पकड्यो
म्हान झुंझणियो दिरादे घर नार, बालम...
झुंझणियो दिरासी थारा मायर बाप
म्हारी काया मत बाळो भरतार, बालम...
हलवाया क जाता ढ़ोलो हठ पकड्यो
म्हान लाडूड़ो दिरादे घर नार, बालम...
लाडूड़ो दिरासी थारा मायर बाप
म्हान लाजा मत मारो भरतार, बालम...
खातीडे क जाता ढ़ोलो हठ पकड्यो
म्हान गाडूल्यो दिरादे घर नार, बालम...
गाडूल्यो दिरासी थारा मायर बाप
म्हारी छाती मत बालो भरतार, बालम...
महलां मे जाता ढ़ोलो हठ पकड्यो
म्हाने गोद्या में उठा ले घर नार बालम छोटो सो
आछि र परणाई म्हारा मायर बाप
म्हारो जोबन ऐड़ो जाय बालम छोटो सो
पांच बरस को मेघुडो...
WhatsApp Group
Join Now
Telegram Group
Join Now
