बाबोसा मायड़ माने लाड लडाई रे भजन लिरिक्स
मीराबाई भजन
बाबोसा मायड़ माने लाड लडाई रे भजन लिरिक्स |
Babosa Mayad Maane Laad Ladayi Re Hindi Bhajan Lyrics
बाबोसा मायड़ माने लाड लडाई रे,
राम जाणे राणा तने क्यूं परणाई रे,
थासू प्रीत राणा दाय कोनी आवे रे,
आजा रे मनमोहन मीरा मेड़तणी बुलावे रे।।
हा जन्म जन्म री मीरा जोगण भई रे,
दीवानी तू काई जाणे प्रीत पुराणी रे,
मनड़ो मोहन सु लागो और कोनी भावे रे,
आजा रे सांवरिया मीरा मेड़तणी बुलावे रे।।
हा पत्थर थे काई पूजो यू बोले राणो जी,
ठाकुर ने जीमाओ जद साची प्रीत जाणु जी,
कुड़ कपट कुल रे दाग लगावे रे,
आजा रे नंदलाला मीरा मेड़तणी बुलावे रे।।
हे दूध रो कटोरो भर मीराबाई आई रे,
पीलो म्हारा सांवरा भगता री दवाई रे,
दास उदास ऊबी आंसू डलकावे रे,
आजा रे मनमोहन मीरा मेड़तणी बुलावे रे।।
हो मीरा री आवाज सुण श्याम धनी आयो रे,
दूध रो कटोरो भरियो सारो ही गट कायो रे,
हां जन्म-जन्म रो साथी कृष्ण केलावे रे,
आजा रे मनमोहन मीरा मेड़तणी बुलावे रे।।
हो अमर सुहागण भागण राठौड़ा री जाई रे,
पिवरीयो सासरीयो दोनू तागो मीराबाई रे,
हो मीरा बाई री ओलुडी ने माधु सिंह गावे रे,
आजा रे मनमोहन मीरा मेड़तणी बुलावे रे।।
बाबोसा मायड़ माने लाड लडाई रे,
राम जाणे राणा तने क्यूं परणाई रे,
थासू प्रीत राणा दाय कोनी आवे रे,
आजा रे मनमोहन मीरा मेड़तणी बुलावे रे।।
