अरे कमर कसी तलवार धाड़वी जेसल धाड़वी भक्ति भजन लिरिक्स |

Are Kamar Kasi Talvaar Dhadavi Jesal Dhadavi Bhajan Lyrics

दोहा :-  हालो हरजी देवरे,
ने मिलसी रामापीर,
दुखिया ने सुखिया करे,
बाबो साझा करे शरीर।

अरे कमर कसी तलवार धाड़वी,
कमर कसी तलवार रे,
कोई सोवन कटार हाथ में,
जैसल के रे -२ हो होजी।।

आयो विकट तूफ़ान गांव में,
आयो विकट तूफ़ान रे,
पिनहारिया रे घड़ा फोडिया,
पनघट पे रे -२ हो होजी।।

अरे सब सु मिठो बोल भाईडा,
सब सु मिठो बोल रे,
दुनिया में थोड़ो जीवनो,
पंचीडा रे-२ हो होजी।।

अरे सामे मिलगी सांड भुरणी,
सामे मिलगी रे,
जिन ऊपर बेठियो बानियो,
मारु ला रे-२ हो होजी।।

धन दौलत लेजा धाड़वी,
धन दौलत लेजा रे,
दुनिया में जीवतो छोड़ दे,
धाडेचा रे-२ हो होजी।।

अरे लेवा मिनक ने मार बाणिया,
लेवा मिनक ने मार रे,
मैं जैसल कहिजु धाड़वी,
मानियोडो रे-२ हो होजी।।

करवा लागो दान बानियो,
करवा लागो दान रे,
कोई साध विरामन जानियो थे,
माने रे-२ हो होजी।।

अरे बुढ़ा मायड़ बाप धाड़वी,
बुढ़ा मायड़ बाप रे,
मारे नैना नैना टाबरिया,
नगरी में रे, हो होजी।।

बुढ़ा जोवे वाट धाड़वी,
बुढ़ा जोवे वाट रे,
साधु उठावे कामली,
मेला में रे-२ हो होजी।।

अरे सब सु मिठो बोल भाईडा,
सब सु मिठो बोल रे,
दुनिया में थोड़ो जीवनो,
पंचीडा रे-२ हो होजी।।

अरे करवा लागो याद बानियो,
करवा लागो याद रे,
दुर्भल रो हेलो सांबलो,
अनदाता रे-२ हो होजी।।

काना पड़ी आवाज भगत री,
काना पड़ी आवाज रे,
चौपट ने आगी मेलदी,
बाबाजी वो-२ हो होजी।।

होई लीले अस्वार बापजी,
होई लीले अस्वार रे,
बानिया री वारा चढ़ गया,
बाबाजी रे,
सेठा री वारा चढ़ गया,
बाबाजी रे, हो होजी।।

अरे पाछो मुड़ने देख धाड़वी,
पाछो मुड़ने देख रे,
आ हीरा भरियोड़ी वालसड़ी,
लुटे नी रे-२ हो होजी।।

अरे सब सु मिठो बोल भाईडा,
सब सु मिठो बोल रे,
दुनिया में थोड़ो जीवनो,
पंचीडा रे-२ हो होजी।।

अरे देवी कला बार्ताए बापजी रे,
देवी कला बार्ताए रे,
जैसल ने आंधो कर दियो,
बाबाजी रे -२ हो होजी।।

अरे लेले तीन तलाक धाड़वी,
लेले तीन तलाक रे,
नहीं साध वीरमण लूट सी,
दुनिया में रे-२ हो होजी।।

अरे सब सु मिठो बोल भाईडा,
सब सु मिठो बोल रे,
दुनिया में थोड़ो जीवनो,
पंचीडा रे-२ हो होजी।।

अरे कमर कसी तलवार धाड़वी,
कमर कसी तलवार रे,
कोई सोवन कटार हाथ में,
जैसल के रे -२ हो होजी।।